19 ოქტომბრის ასტროლოგიური პროგნოზი
ამობეჭდვა · 2017-10-19 00:22:39 · 694 ნახვა

ვერძი
მეგობრები თქვენს ცხოვრებაში სასიამოვნო სიგიჟეს შემოიტანენ. ხვალ მეტი საქმე უნდა აკეთოთ და ნაკლები ილაპარაკოთ. როგორი გმირული სულისკვეთებაც არ უნდა გამოიჩინოთ, კარი, რომელზეც დაჟინებით აკაკუნებთ, მყარადაა ჩაკეტილი და გაღებას არავინ აპირებს.

კურო
ბავშვობაში დაბრუნებას ვერ შეძლებთ, თუმცა ბავშვობის მოგონებებში შეგიძლიათ, „თავით გადაეშვათ“. დღეს ვიღაც თქვენს გამოაშკარავებას და სახიდან ნიღბის ჩამოხსნას შეძლებს. კუროებო, როცა ადამიანს გაცნობენ, თავაზიანობა უნდა გამოიჩინოთ.

ტყუპები
დღევანდელი სამუშაო სამომავლოდ მშვენიერ პერსპექტივას შეგიქმნით. ვიღაც თქვენთვის მოცემულ პირობას დაარღვევს, რაც ძალიან გაგანაწყენებთ. შესაძლოა, საინტერესო ადამიანს შეხვდეთ. ეცადეთ, მისმა მომხიბვლელობამ თავბრუ არ დაგახვიოთ და მისი გავლენის ქვეშ არ მოექცეთ.

კირჩხიბი
თავში იმდენი აზრი და იდეა გიტრიალებთ, რომ გსურთ, ვიღაცას გაუზიაროთ. მშვენიერი დილა, სასიამოვნო სამუშაო დღე და მშვიდი საღამო – აი, რა გელით დღეს. თუ შემთხვევით ვიღაცის საიდუმლო გაიგეთ, ეცადეთ, მაშინვე დაივიწყოთ, რადგან ეს უსიამოვნებების მეტს არაფერს მოგიტანთ.

ლომი
ეცადეთ, ხვალ ისეთი ცნება გაიხსენოთ, როგორიც ჯანმრთელობაა. რჩევის მისაღებად მეგობრებთან ნუ გაიქცევით. დროა, თავად მიიღოთ გადაწყვეტილებები და ისწავლოთ საკუთარ თავზე პასუხისმგებლობის აღება. შესაძლოა, ახალმა მეგობრებმა თქვენს ცხოვრებაში ახალი პრობლემები მოიტანონ.

ქალწული
კარგი იქნება, თუ ხვალ მეგობრებს შეხვდებით და მხიარულად გაერთობით. ნურავის უსმენთ და ისე იცხოვრეთ, როგორც გეცხოვრებათ. შეგიძლიათ, უსაქმურობის დღე მოიწყოთ, ამისთვის არავინ გისაყვედურებთ.

სასწორი
შეუთანხმდით მეგობრებს შეხვედრაზე. დროს სასიამოვნოდ გაატარებთ. ვარსკვლავები იძულებით გაღიმებას არ გირჩევენ. თუ არ გსურთ – ნუ გაიღიმებთ, მაგრამ მთავარია, კორექტული დარჩეთ. ხვალ ვიღაცის ისტორიის მოსმენა დაგთრგუნავთ, მაგრამ შეეცადეთ, ემოციებს არ აჰყვეთ.

მორიელი
მორიელებისთვის ხვალინდელი დღე ძალიან სწრაფად გაივლის. დასვენებისთვის დახარჯული ფული სიამოვნებას ვერ მოგანიჭებთ. ვარსკვლავები გირჩევენ, საკუთარი აზრები თქვენთვის შეინახოთ.

მშვილდოსანი
ხვალინდელი მიზანმიმართულობა და დაჟინებული ქმედებები ნაყოფს გამოიღებს. შესაძლოა, მოულოდნელად შეხვდეთ მას, ვის დანახვასაც არასდროს ისურვებდით. გამორიცხული არ არის, ხელმძღვანელი თქვენი მუშაობით უკმაყოფილო დარჩეს.

თხის რქა
ხვალ თხის რქები საბოლოოდ გახდებიან საკუთარი ბედის ბატონ-პატრონები და დეპრესიისგან განთავისუფლდებიან. შედეგად, სამომავლო ქმედებებსაც სწორად დაგეგმავენ. ხვალ ხშირად გაიფიქრებთ, რომ უფრო მეტს იმსახურებთ, ვიდრე გაქვთ და თუ ამ ფიქრებს თავიდან არ მოიშორებთ, ფორტუნა ზურგს შეგაქცევთ.

მერწყული
მერწყულები ხვალ საღამოს განმარტოებას გადაწყვეტენ, ეს მათ ახალი ძალებითა და ენერგიით აავსებთ. ასე რომ, ნუ იტყვით უარს მარტოობაზე. შესაძლოა, კაფეში ან რომელიმე რესტორანში წასვლის სურვილი გაგიჩნდეთ, ოღონდ ეცადეთ, ისეთი ადგილი აარჩიოთ, სადაც ჯერ არ ყოფილხართ. ნუ ცდილობთ იმის დაბრუნებას, რაც უკვე წარსულს ჩაბარდა.

თევზები
ეს დღე შესანიშნავია ოჯახის წევრებთან გასატარებლად. წარსულზე ტირილი არ ღირს. ასე რომ, ძალები მოიკრიბეთ და მხოლოდ მომავალზე იფიქრეთ, წარსულს ვერაფერს უშველით. შესაძლოა, ხვალ ცოტა მოიწყინოთ.



ავტორი: Mediamall.ge