„მხარდამჭერები რომ არ მყავდეს, აქამდე თავს ჩამოვიხრჩობდი“ - ქუთაისის ახალგაზრდული ცენტრიდან გარიცხული სტუდენტი
ამობეჭდვა · 2017-11-10 21:29:30 · 2194 ნახვა

“ფეისბუქ-სტატუსების“ გამო, ქუთაისის ახალგაზრდული ცენტრიდან გარიცხული სტუდენტის, ანზორ სვიანიძის საქმე აქტუალობას არ კარგავს. ამჯერად, ანზორ სვიანიძემ “ალიასთან“ ისაუბრა. ინტერვიუს, რომელიც საკმაოდ მძიმე გამოვიდა, იცვლელად გთავაზობთ: 

- „ფეისბუკის“ გვერდზე წერთ, რომ 16 ნოემბერს ქუთაისში იმ სასწავლებლის წინ, საიდანაც გამოგრიცხეს, მხარდამჭერებთან ერთად, აქციას გეგმავთ და  რომ არასამთავრობოებიც გიდგანან  გვერდით. რა სახის აქცია იქნება? ან რომელი არასამთავრობოები?

- იმ არასამთავრობოების სახელი, რომლებმაც მხარდაჭერა გამომიცხადეს, ასე კონკრეტულად არ ვიცი, 
უბრალოდ ტელეფონზე მესაუბრნენ, არასამთავრობოდან ვართო და შენს გვერდით ვართო.

- ცოტა უცნაურია, რომ არ გეუბნებიან, რომელი არასამთავრობოები არიან... რამე პროვოკაციას  არ  ჰქონდეს ადგილი...

- მე იმიტომ არ მაინტერესებს კონკრეტულად რომელი არასამთავრობოები არიან, რომ ჩემთვის მთავარი  ადამიანების, ხალხის გვერდით დგომაა.  თუკი ვინმე გამომიცხადებს მხარდაჭერას,  ეს იმას  არ ნიშნავს, რომ მე იმისკენ ვარ, ან ის ჩემსკენაა, უბრალოდ ამ სიტუაციაში გამოდის მხარდამჭერად.

- აქციაზე თბილისიდანაც ჩამოდიან თქვენი მხარდამჭერები?

- დიახ... ისე, ახლა მინდა თქვენ გითხრათ ერთი ინფორმაცია, რისი თქმაც ჯერჯერობით ტელეეთერებში ვერ მოვახერხე და თქვენ მინდა გითხრათ...

- გისმენთ...

- ცოტა მაკლია და თვითმკვლელობამდე მივალ ამ ამბის გამო და ჩემს თავს რაღაცას დავუშავებ. ერთ-ერთი ბიჭი, რომელიც დღეს გოგოა, ცხოვრობდა ჩემს უბანში, შარშან სასწავლებელში ერთად ვსწავლობდით, ახლა ეს ადამიანი გერმანიაშია წასული. მან ამაზრზენი ვიდეო ჩაწერა ჩემს შესახებ, რომელიც „ფეისბუკზე“ დადო და საქმე ისე მიდის, რომ თვითმკვლელობამდე მიმიყვანოს.

- კი, ვნახე ეგ ვიდეო, სადაც „კარალევა კრისტის“ სახელით დარეგისტრირებული „ფეისბუკ“-მომხმარებელი ამბობს, რომ თქვენთან სექსუალური ურთიერთობა ჰქონდა და „გეობა არ ტეხავსო“,  მოგმართავთ... ვიდეოში ჩანს, რომ ის არატრადიციული ორიენტაციის მქონე ახალგაზრდა მამაკაცია.

- მაშინ მე შემიძლია ამ ყველაფერში ის ხალხი დავადანაშაულო, ვინც ეგ ადამიანი შემომიგზავნა. ეს არის დადგმული სპექტაკლი, რადგან არამგონია, ის ჩემით და ჩემი სახელის დისკრედიტაციით  დაინტერესებულიყო, თუკი ვინმემ არ დაავალა.

- რადგან სასწავლებელში ერთად სწავლობდით, თქვენთან ნაცნობობას ამ კუთხითაც იყენებსა რგუმენტად, რომ აი, ერთმანეთს ვიცნობთო?

- დიახ. ეგ ადამიანი ჩემი უბნელი იყო, მის ოჯახს ვიცნობ, ძმას ვიცნობ, რომლებიც სასწაულად პატიოსანი ხალხია. მაგ პიროვნებამ მამამისსაც უჩივლა, დედამისსაც, მერე სახლიდან გამოაგდეს და ახლა ისეა ცხოვრებაზე გამწარებული, ასეთი ადამიანისგან ყველაფერი იყო მოსალოდნელი, მაგრამ ასე საჯაროდ? ასე ამაზრზენი ფორმით ტყუილის გავრცელება? ვინც პირადად არ მიცნობს და ამ ვიდეოს ნახავს, მინიმუმ ეჭვი ხომ გაუჩნდათ – მართალი ხომ არ არის ეს ამბავიო?ყველას გვყავს ოჯახი და ეს ვიდეო რომ ნახონ, შეიძლება ასპროცენტიანად იციან, რომ მე ასეთი არ  ვარ,  მაგრამ გულის სიღრმეში რაღაც ხინჯად ხომ დარჩებათ?  ასე მგონია, ხალხს უკვე რცხვენია  ჩემი  არსებობის, რადგან ვინც მხარდამჭერი მყავდა, ლამის, ყველა განმიდგა! ფსიქიკა შემერყა უკვე!  ასეთ  ხალხს უყვართ ასეთი გამოსვლები, სასწაული, საშინელი რაღაცების მოწყობა. ამაზე მეტი სირცხვილი  არ არსებობს, შემერყა გონება, ტვინი, აღარ ვიცი რა გავაკეთო,რა გზას მივმართო... მხარდამჭერები რომ არ მყავდეს, აქამდე მართლა თავს ჩამოვიხრჩობდი უკვე, ისეთ დონემდე მივედი.

- ანზორ, დაწყნარდით, ნუ ფიქრობთ მასეთ საშინელებაზე, ეგ გამოსავალი არ არის... ეს ახლა კითხვად უნდა დამესვა, მაგრამ ასე გეტყვით: ყველაზე სწორი იქნება, ადგეთ და სამართლებრივი მსვლელობა მისცეთ ამ საკითხს.

- დიახ, ვაპირებ, რომ სამართლებრივი გზებით ეს საქმე ბოლომდე მივიყვანო. მე ერთ საქმეზე მქონდა ბრძოლა და ახლა უკვე მეორე საქმეზე მიწევს ბრძოლა... სასწავლებლიდან ჩემი გამორიცხვის  საქმე კიდევ სხვა რაღაცაა, გამოხატვის თავისუფლებაზე იყო იქ საუბარი და აქ უკვე  ღირსებაზეა  საუბარი! ჩემი ადვოკატები გაამზადებენ ამასთან დაკავშირებით ინფორმაციას და საჭირო  სტრუქტურებს  მივმართავთ. ამას ისევ და ხმამაღლა ვამბობ: მე რომ მხარდამჭერები არ მყოლოდა და  მათ რომ არ ეთქვათ, არ ვუსმენთ ჩვენ მაგის ნაბოდიალებსო, აქამდე თავს რამეს დავმართავდი.  მერე კიდევ, იმ ვიდეოს იმდენი ადამიანი აზიარებს, ისეთ საძაგლობებს წერენ... არადა, ამასობაში  კი,  იმ პიროვნებამ მე დამბლოკა, რომ აღარ მქონდეს წვდომა ვიდეოზე და მისქვეშ დაწერილ კომენტარებზე პასუხის გაცემაზე. ახალგაზრდა ბიჭი ვარ, ჩემთვის ვარ,პატიოსნად ვშრომობ, სად არ მიმუშავია იმის  გამო, რომ ცუდისკენ, სიბილწისკენ, მოპარვისკენ არ წავსულიყავი და ასეთ ადამიანს  ამაზრზენი  ფორმებით  რომ ვიღაც სახელს უტეხავს...  თუ მისი ასეთი საქციელი დასჯადი არ არის,  მოდი,  მაშინ  მეც დავიწყებ  იგივეს,  ვინც არ მომეწონება და თვალში არ მომივა, მათზე ასეთ ვიდეოებს ჩავწერ.  მაგალითად, ნატალი პატარიძეზე რომ დავდო რაიმე მსგავსი ვიდეო  და საშინელებები ვილაპარაკო,  ის ხომ მიჩივლებს და მართალიც იქნება, რომ მიჩივლებს?  ასეთი რამით ხომ ადამიანის  პირადი  ღირსება ილახება?

- აღნიშნული ვიდეოს ავტორი ამჟამად საქართველოში არ იმყოფება და თუკი თქვენ ამ საქმეს სამართლებრივ მსვლელობას მისცემთ, სავარაუდოდ, ძალიან გაჭირდება მისი პასუხისმგებლობის  საკითხის დადგომა. თუ გამოძიებას შედეგები არ მოჰყვება, ამ შემთხვევაში როგორი  იქნება  თქვენი  სამოქმედო გეგმა?

- არ ვიცი, არ ვიცი... თუკი იმან კიდევ რაიმე მსგავსი მეორე ვიდეო გადაიღო, მესამე, მეოთხე, არ ვიცი, რა ზომამდე მივალ... სამტრედიელმა ბიჭმა რომ დაწერა წერილი და „წავიდა“, ალბათ მეც ასე ვიზამ, სხვა გზა აღარ დამრჩება. აბა, როგორ გინდა ხალხს დაუმტკიცო შენი სიმართლე? ამის გამო ვიკეთო რაღაც ტესტები? თან ვიდეოში ამბობს – მე  კი არა,  ბოდიში და,  ანზორი „მიშვებოდაო“...  ასეთი რაღაც საერთოდ როგორ უნდა თქვა? არ შემიძლია ამაზე საუბარიც კი, საშინელ  მდგომარეობამდე ვარ მისული!



ავტორი: Mediamall.ge