უშიშროების საბჭოს მდივანი სუს-ის და საგარეო დაზვერვის უწყებების გაერთიანებას აფასებს
ამობეჭდვა · 2017-11-13 15:50:00 · 315 ნახვა

საქართველოს ეროვნული უშიშროების საბჭოს მდივანი დავით რაქვიაშვილი სამთავრობო ცვლილებებს აფასებს და აცხადებს, რომ წლების განმავლობაში არსებობდა კითხვის ნიშნები უშიშროების საბჭოს პარალელურად უსაფრთხოების საბჭოს შექმნის მოტივაციასთან და მის მანდატთან მიმართებაში, დღეს კი, ამ სტრუქტურული ცვლილებით ნათლად გამოჩნდა, რომ ახალი უწყება ფოკუსირებული იქნება კრიზისების ოპერატიულ მართვაზე და არა უსაფრთხოების პოლიტიკის სტრატეგიულ განხილვასა და კოორდინაციაზე.

"ჩვენ მიგვაჩნია, რომ იმისთვის, რომ საქართველომ ადეკვატურად უპასუხოს არსებულ გამოწვევებს, რუსულ ოკუპაციას, ჰიბრიდულ ომს, აუცილებელია ქვეყანაში არსებობდეს კოორდინაციის მექანიზმი უმაღლეს პოლიტიკურ დონეზე.

მიგვაჩნია, რომ იმ პრინციპების გათვალისწინებით, რომლიც პრეზიდენტმა შესთავაზა საქართველოს პარლამენტს და რომელიც უსაფრთხოების თემაზე აქვს ჩამოყალიბებული, აუცილებელია დაიწყოს კოორდინაცია და კონსულტაციები.

რაც შეეხება სუს-ის და საგარეო დაზვერვის უწყებების გაერთიანებას, ვფიქრობთ, რომ აქ არსებობს კითხვები, რომლებზეც პასუხები აუცილებლად უნდა იყოს გაცემული “, - აღნიშნა დავით რაქვიაშვილმა.



ავტორი: MediaMall.ge