დოლარით მეტი ლარი მოსდით, ეს დადებითი ეფექტიც არის - ზაზა ხუციშვილი
ამობეჭდვა · 2017-11-14 11:03:40 · 2591 ნახვა

დეპუტატ ზაზა ხუციშვილის თქმით, ლარის გაუფასურების მიუხედავად, პროდუქტებზე ფასების მატება არ მომხდარა. 

 

"ვერ გეტყვით ზუსტად ამის შესახებ [რას გულისხმობდა პრემიერ-მინისტრი ლარის გაუფასურების გამომწვევ დადებით პროცესებში]. ერთი შემიძლია, ვთქვა, რომ ისე, როგორც ლარის გაუფასურება მოხდა, ძირითად პროდუქტებზე ასეთი პროცენტით მატება არ ყოფილა. მეორეს მხრივ, ამას აქვს ხოლმე, როგორც წესი, სხვა ეფექტიც, რომ, აი, მაგალითად, საქართველოდან გარე ვაჭრობა გაზრდილია 18%-ით ამ წელს შარშანდელთან შედარებით, ეს იმითაა გამოწვეული, რომ დოლარით უფრო მეტი ლარი მოსდით ადამიანებს ანუ პროდუქტს უფრო მეტს ყიდულობენ... ეს დადებითი ეფექტიც აქვს ამას და არ ვიცი, ამას გულისხმობდა თუ არა, მაგრამ ეს მომენტი არსებობს. როცა ადამიანი 1000 დოლარით 2400 ლარს იღებს, ჩვენთან ნაყიდი პროდუქტი ექსპორტზე გასატანი მას უფრო მომგებიანად უჯდება", - განაცხადა ზაზა ხუციშვილმა.



ავტორი: tabula.ge