ქუთაისში ბიჭმა შეყვარებულის ნაცვლად სასიდედრო მოიტაცა
ამობეჭდვა · 06 / 01 / 2021 17:54
  ქუთაისში ბიჭმა შეყვარებულის ნაცვლად სასიდედრო მოიტაცა

 

სოციალურ ქსელში გავრცელებული ინფორმაციით, ქუთაისელმა ბიჭმა შეყვარებულის მაგივრად, მისი დედა მოიტაცა.

„ქუთაისში, გუშინ ღამით, კურიოზული შემთხვევა მოხდა. თურმე ეს გოგო და დედამისი ღამით სასეირნოდ ყოფილან გამოსულები, ამ საწყალ ბიჭებსაც კიდე სიბნელეში შეშლიათ და დედამისი ჩაუგდიათ მანქანაში.

შემდეგ ისევ გოგოს უვაჟკაცია და შეყვარებულისთვის დაურეკია დედაჩემი მოიტაცესო. გაკვირვებულმა ბიჭებმა უცებ მოხადეს ტყვეს ტომარა და რას ხედავენ, მომავალი სასიდედრო ჩაუგდიათ მანქანაში.

წავიდა ბოდიშების ხდა, თუმცა სასიდედროს წყევლას მაინც ვერცერთი გადაურჩა.

რა თქმა უნდა, შემთხვევის შემდეგ არავინ დაუკავებიათ. ეს, უბრალოდ, კიდევ ერთი ქუთაისური კურიოზია!  

geonewest.com