ნათია თურნავა - ბაზრობები და მუნიციპალური ტრანსპორტი სენსიტიური თემაა და პრიორიტეტი - ამ მიმართულებით, გადაუდებელ შეხვედრებს ვმართავთ, რომ ახალი სტანდარტები შემოვიღოთ
ამობეჭდვა · 11 / 01 / 2021 13:45
 ნათია თურნავა - ბაზრობები და მუნიციპალური ტრანსპორტი სენსიტიური თემაა და პრიორიტეტი - ამ მიმართულებით, გადაუდებელ შეხვედრებს ვმართავთ, რომ ახალი სტანდარტები შემოვიღოთ

 

 

ბაზრობები და მუნიციპალური ტრანსპორტი სენსიტიური თემაა და პრიორიტეტი. ამ მიმართულებით ვმართავთ გადაუდებელ შეხვედრებს, რომ ახალი სტანდარტები შემოვიღოთ,- ამის შესახებ ეკონომიკისა და მდგრადი განვითარების მინისტრმა ნათია თურნავამ საკოორდინაციო საბჭოს სხდომის შემდეგ განაცხადა.

ნათია თურნავას თქმით, მნიშვნელოვანია, თებერვლიდან განხორციელებულმა შეზღუდვების შემსუბუქებამ ეპიდემიოლოგიური სტატუს-კვო არ დააზიანოს.

„იმის გათვალისწინებით, რომ ევროპაში მესამე ტალღის საშიშროება არსებობს, პირველ თებერვლამდე ჩვენ ვტოვებთ დღევანდელ რეჟიმს, რაც ყველა აქამდე შეზღუდული აქტივობის იგივე რეჟიმში გაგრძელებას გულისხმობს.

თუმცა, ძალიან კარგად გვესმის, რომ არასასურსათო ვაჭრობა, არამხოლოდ მაღაზიები, ბაზრობები, მუნიციპალური ტრანსპორტი სენსიტიური თემაა და პრიორიტეტია. ამ მიმართულებით ვმართავთ გადაუდებელ შეხვედრებს, რომ ახალი სტანდარტები შემოვიღოთ და შევძლოთ თებერვლიდან შემსუბუქება რეალისტური იყოს. არ დააზიანოს ის სტატუს-კვო, რაც ეპიდემიოლოგიურად გვაქვს“,-აცხადებს თურნავა.

თურნავას თქმით, დარჩენილი 2-3 კვირის განმავლობაში იმსჯელებენ, თუ რა ფორმით მოხდება შეზღუდვების შემსუბუქება.

„არ მინდა მოვლენებს გავასწრო. პირველი თებერვლიდან რა რეჟიმიც ამოქმედდება, ამაზე დარჩენილ დროში, 2-3 კვირაში ვიმუშავებთ. ყველაზე დიდი ალბათობაა ვაჭრობა, ვაჭრობამ დაამტკიცა, რომ შეუძლიათ ძალიან მკაცრად დაიცვან წესები, თუმცა, ამ დღეებში კიდევ ვიმუშავებთ. ვმსჯელობთ მუნიციპალურ ტრანსპორტზე. მეტი კონკრეტიკა ამ დღეებში გამოიკვეთება. სტატისტიკაში უნდა იყოს ყოველდღიური ინფიცირების დაღმასვლა, ჯერ მაინც მაღალია“,-აცხადებს თურნავა.

ipn.ge