ირაკლი ღარიბაშვილი - ირაკლი კობახიძე არის გამორჩეულად ნიჭიერი ახალგაზრდა კაცი - ერთსულოვნად დავუჭერთ მხარს მის კანდიდატურას
ამობეჭდვა · 11 / 01 / 2021 17:51
 ირაკლი ღარიბაშვილი - ირაკლი კობახიძე არის გამორჩეულად ნიჭიერი ახალგაზრდა კაცი - ერთსულოვნად დავუჭერთ მხარს მის კანდიდატურას

 

საქართველოს თავდაცვის მინისტრის, ირაკლი ღარიბაშვილის განცხადებით, ირაკლი კობახიძის კანდიდატურას პარტიის თავმჯდომარის პოსტზე პოლიტსაბჭოს წევრები მხარს ერთსულოვნად დაუჭერენ. ამის შესახებ ღარიბაშვილმა „ქართული ოცნების“ ოფისში ჟურნალისტებს განუცხადა.

როგორც ღარიბაშვილმა აღნიშნა, კობახიძე გუნდში კომპეტენციით გამოირჩევა.

„ირაკლი კობახიძე არის გამორჩეულად ნიჭიერი ახალგაზრდა კაცი, რომელიც თავისი კომპეტენციით იურისპრუდენციაში, კონსტიტუციონალებში გამოირჩევა ჩვენს გუნდში. უკვე არაერთი წელია ირაკლი კობახიძე არის ჩართული ჩვენი პარტიის საქმიანობაში. მოგეხსენებათ, რომ ის მანამდე იყო პარტიის აღმასრულებელი მდივანი და ყოველდღიურად იყო ჩართული საქმიანობაში. რა თქმა უნდა, ჩვენ ერთსულოვნად დავუჭერთ მხარს მის კანდიდატურას“, - განაცხადა ღარიბაშვილმა.