საქართველოს ვიცე პრემიერ-მინისტრმა, საგარეო საქმეთა მინისტრმა დავით ზალკალიანმა შეხვედრა გამართა საქართველოში საუდის არაბეთის სამეფოს ელჩთან აბდულა ალმუტაირისთან.

 ელჩმა საგარეო საქმეთა მინისტრს გადასცა სამეფოს საგარეო საქმეთა მინისტრის, პრინც ფაისალ ბინ ფარან ალ საუდის მისალოცი წერილი.

შეხვედრის ფარგლებში მხარეებმა განიხილეს ორ ქვეყანას შორის დღის წესრიგში არსებული საკითხები და მომავალი თანამშრომლობის პერსპექტივები. ხაზი გაესვა ბოლო წლების განმავლობაში ქვეყნებს შორის თანამშრომლობის მზარდ დინამიკას. გამოითქვა იმედი, რომ პანდემიის დასრულების შემდეგ ქვეყნებს შორის თანამშრომლობა კიდევ უფრო გამყარდება და განმტკიცდება.