განათლების, მეცნიერების, კულტურისა და სპორტის სამინისტრო ნუგზარ სხირელის გარდაცვალების გამო მწუხარებას გამოთქვამს
ამობეჭდვა · 25 / 01 / 2021 09:37
განათლების, მეცნიერების, კულტურისა და სპორტის სამინისტრო ნუგზარ სხირელის გარდაცვალების გამო მწუხარებას გამოთქვამს

 

საქართველოს განათლების, მეცნიერების, კულტურისა და სპორტის სამინისტრო ღრმა მწუხარებას გამოთქვამს მსოფლიოში აღიარებული მწვრთნელისსპორტის დამსახურებული მოღვაწის, ნუგზარ სხირელის გარდაცვალების გამო.

ნუგზარ სხირელი თავისუფალი სტილით ჭიდაობაში ოლიმპიური, მსოფლიოსა და ევროპის ჩემპიონების, ასევე არაერთი ტიტულოვანი სპორტსმენის აღმზრდელი გახლდათ.

მის სახელს უკავშირდება გორის თავისუფალი ჭიდაობის სკოლის დაარსება და უდიდესი წარმატებები საერთაშორისო არენაზე. წლების განმავლობაში ნუგზარ სხირელი მუშაობდა საქართველოს თავისუფალი სტილით მოჭიდავეთა ეროვნული და ახალგაზრდული ნაკრები გუნდების მთავარ მწვრთნელად. არაერთ აღიარებასთან ერთად, მას მინიჭებული ჰქონდა საქართველოს ღირსების ორდენისა და ღირსების მედლის კავალერის, ასევე  სპორტის რაინდის წოდება“, - ნათქვამია უწყების მიერ გავრცელებულ განცხადებაში.