დავით სონღულაშვილი დისტრიბუტორთა ბიზნეს ასოციაციის წარმომადგენლებს შეხვდა
ამობეჭდვა · 08 / 02 / 2021 15:31
 დავით სონღულაშვილი დისტრიბუტორთა ბიზნეს ასოციაციის წარმომადგენლებს შეხვდა

 

პარლამენტის დარგობრივი ეკონომიკისა და ეკონომიკური პოლიტიკის კომიტეტის თავმჯდომარე დავით სონღულაშვილი საქართველოს დისტრიბუტორთა ბიზნეს ასოციაციის პრეზიდენტს ივა ჭყონიას და ასოციაციის წარმომადგენლებს შეხვდა.

შეხვედრაზე მხარეებმა სადისტრიბუციო ბიზნესში არსებული გამოწვევები და აქტუალური საკითხები განიხილეს. ამ კონტექსტში, ხაზი გაესვა სავაჭრო ქსელებსა და დისტრიბუტორებს შორის არსებული პრობლემების გადაჭრის მნიშვნელობასა და ურთიერთობების დარეგულირებას.

კომიტეტის თავმჯდომარემ შეხვედრისას აღნიშნა, რომ მსგავსი ტიპის სამუშაო შეხვედრები რეგულარული ხასიათის იქნება  და  აღნიშნულ პროცესში ჩართულ მხარეებთან კომიტეტს აქტიური კომუნიკაცია ექნება.