კობა დავითაშვილის შვილი: დარწმუნებული ვარ, ნათლიათქვენს და მის სისტემას მამათქვენის მოკვლის 3 თუ 4 მცდელობა არ ჰქონია, მაგრამ შურისძიებას კარგი არასდროს არავისთვის მოუტანია
ამობეჭდვა · 16 / 11 / 2021 09:25
კობა დავითაშვილის შვილი: დარწმუნებული ვარ, ნათლიათქვენს და მის სისტემას მამათქვენის მოკვლის 3 თუ 4 მცდელობა არ ჰქონია, მაგრამ შურისძიებას კარგი არასდროს არავისთვის მოუტანია

 

პოლიტიკოს კობა დავითაშვილის შვილი, თორნიკე დავითაშვილი, რომელიც მიხეილ სააკაშვილის ნათლული იყო, ვრცელ პოსტს უძღვნის მიხეილ სააკაშვილის ციხეში ყოფნას.

ჩემი საკმაოდ მარტივი დამოკიდებულება მიმდინარე პროცესების მიმართ:

1. დამნაშავე უნდა გასამართლდეს, მაგრამ
2. უნდა გასამართლდეს სამართლიანად და კანონის ფარგლებში
3. ხალხის საჭორაო ნამდვილად არაა შიმშილის დეფინიცა, მაგრამ
4. ასევე მხოლოდ ექიმები უნდა აფასებდნენ, არის თუ არა ადამიანის სიტუაცია კრიტიკული. ციხე იმის ციხეა, რომ პირადი სურვილები მგონი შეზღუდული უნდა იყოს, არა? შესაბამისად, გაუგებარია რატომ ითხოვს საავადმყოფოში გადასვლას, თუ ამის საჭიროება არ დგას.
5. მინდა რომ აუცილებლად ნეიტრალური მხარისგან გასამართლდეს. მოიწვიეთ საზღვარგარეთიდან მიუკერძოებელი მოსამართლეები, რომ ერთხელ და სამუდამოდ ამოვისუნთქოთ და გავაგრძელოთ ცხოვრება. თუ გააასამართლებენ, ხომ კარგი, თუ არადა, მე პირადად დავიღალე ამ ცირკით. რაც მნიშვნელოვანია, ის უკანა ფლანგზეა და ყველა იმას შევყურებთ, მიშა რას ჭამს თუ ბოდიში და რას ჯვ…

6. მე პირადად ყველაზე ირონიულად ვგრძნობ თავს ამ სიტუაციაში. დარწმუნებული ვარ, ნათლიათქვენს და მის სისტემას მამათქვენის მოკვლის 3 თუ 4 მცდელობა არ ჰქონია. მაინც, შურისძიებას კარგი არასდროს და არავისთვის მოუტანია, და მოდი გადავაგოროთ რა ეს უბედური თავი საქართველოს ისტორიაში. სჯობს, ქვეყნის აღმშენებლობით და გაძლიერებით დავკავდეთ, ვიდრე ჭორაობით.

კარგ საღამოს გისურვებთ!” – წერს თორნიკე დავითაშვილი.