პარლამენტის საპროცედურო საკითხთა კომიტეტმა „გირჩის სამეფოს მეფის“, ჰერმან საბოს სადეპუტატო უფლებამოსილების ცნობას მხარი დაუჭირა
ამობეჭდვა · 19 / 11 / 2021 11:38
პარლამენტის საპროცედურო საკითხთა კომიტეტმა „გირჩის სამეფოს მეფის“, ჰერმან საბოს სადეპუტატო უფლებამოსილების ცნობას მხარი დაუჭირა

საპროცედურო საკითხთა და წესების კომიტეტმა დღეს იმსჯელა პარლამენტის გამოკლებული წევრის ზურაბ გირჩი ჯაფარიძის  ადგილმონაცვლის ჰერმან საბოს  პარლამენტის წევრის უფლებამოსილების ცნობის საკითხზე.

საპროცედურო საკითხთა დაწესების კომიტეტის თავმჯდომარის  ირაკლი ქადაგიშვილის  განმარტებით, ცენტრალური საარჩევნო კომისიიდან შემოსულია შესაბამისი დოკუმენტაცია, რის საფუძველზეც კომიტეტმა მიზანშეწონილად მიიჩნია ზურაბ გირჩი ჯაფარიძის ნაცვლად, პოლიტიკური გაერთიანება „გირჩის“ პარტიული სიის მომდევნო წევრის, ჰერმან საბოს პარლამენტის წევრის უფლებამოსილების ცნობა.

კომიტეტის შესაბამისი დასკვნა გადაეგზავნება პარლამენტის ბიუროს.