კიდევ ერთხელ ცხადი გახდა, რომ „ნაციონალურ მოძრაობას“ არც უნარი აქვს, არც შესაძლებლობა და როგორც ჩანს, არც სურვილი, რომ „ქართული ოცნება“ და ბიძინა ივანიშვილი ხელისუფლებიდან ოპოზიციაში გადაიყვანოს, – ამის შესახებ პარტია „საქართველოსთვის“ წევრმა, მიხეილ დაუშვილმა განაცხადა.

მისივე თქმით, მათთვის არანაირი მნიშვნელობა არ აქვს, „ნაციონალური მოძრაობის“ თავმჯდომარის არჩევნებში ვინ გაიმარჯვა.

„ამ არჩევნებში გაიმარჯვა ბიძინა ივანიშვილმა, ეს რეალობაა. ჩვენთვის ეს იქნება კიდევ ერთი მოტივაცია, რომ მეტად აქტიურად და ძირფესვიანად მოვემზადოთ საპარლამენტო არჩევნებისთვის“, – აღნიშნა მიხეილ დაუშვილმა.