„ნაციონალური მოძრაობის“ ინფორმაციით, ლევან ხაბეიშვილი ვაშინგტონში კონგრესმენ კრინ შოუს შეხვდა
ამობეჭდვა · 07 / 12 / 2023 10:38
„ნაციონალური მოძრაობის“ ინფორმაციით, ლევან ხაბეიშვილი ვაშინგტონში კონგრესმენ კრინ შოუს შეხვდა

 

„ერთიანი ნაციონალური მოძრაობის“ თავმჯდომარე ლევან ხაბეიშვილი და პარტიის ლიდერები, საპარლამენტო ფრაქცია „ერთიანი ნაციონალური მოძრაობის“ თავმჯდომარე თინა ბოკუჩავა, საგარეო ურთიერთობის მიმართულების მდივანი ზურაბ ჭიაბერაშვილი და საგარეო ურთიერთობების სამსახურის უფროსი ირაკლი ქავთარაძე ვაშინგტონში ვიზიტს აგრძელებენ. პარტიის ლიდერები კონგრესმენ კრინ შოუს შეხვდნენ. ამის შესახებ ინფორმაციას პარტიის პრესსამსახური ავრცელებს.

„მქონდა შესაძლებლობა, გავსაუბრებოდით კონგრესმენ კრინ შოუს, რომელიც არის დოკუმენტის თანაავტორი სადაც შავით თეთრზე წერია, რომ ბიძინა ივანიშვილი არის პუტინის მოკავშირე, რუსეთის მოკავშირე. ცხადია, ეს ადამიანები არიან ჩვენი მეგობრები და მნიშვნელოვანია, ქართველ ხალხს რუსი ოლიგარქის და რუსული რეჟიმის წინააღმდეგ გვყავდეს ბევრი პარტნიორი. ჩვენ გვყავს ბევრი პარტნიორი, შევიძენთ ბევრ პარტნიორს და დარწმუნებული ვარ, ქართველ ხალხთან ერთად ჩვენ აუცილებლად დავამარცხებთ რუსულ ოლიგარქიულ რეჟიმს. ვაგრძელებთ ვაშინგტონში შეხვედრებს, ასევე შეხვედრა გვაქვს ჩანიშნული IDU-ს პრეზიდენტთან, კანადის ყოფილ პრემიერთან, სტივენ ჰარპერთან და შესაბამისად, ვაშინგტონის შემდეგ ნიუ იორკში გავაგრძელებთ ჩვენს ოფიციალურ ვიზიტს“, – განაცხადა ლევან ხაბეიშვილმა.