პაველ ჰერჩინსკი - მეც ძალიან მაინტერესებს, როგორი იქნება ახალი მთავრობის შემადგენლობა, მზად ვართ, ვიმუშაოთ ახალ პრემიერთან, რომ საქართველომ წინ წაიწიოს ევროინტეგრაციის გზაზე
ამობეჭდვა · 01 / 02 / 2024 14:04
პაველ ჰერჩინსკი - მეც ძალიან მაინტერესებს, როგორი იქნება ახალი მთავრობის შემადგენლობა, მზად ვართ, ვიმუშაოთ ახალ პრემიერთან, რომ საქართველომ წინ წაიწიოს ევროინტეგრაციის გზაზე

 

სამთავრობო ცვლილებებთან დაკავშირებით რისი თქმაც შემიძლია, არის ის, რომ ჩვენ ძალიან მჭიდროდ ვმუშაობდით წინა მთავრობასთან, წინა პრემიერ-მინისტრთან. გასული წლის 14 დეკემბერს ჩვენ გვქონდა ისტორიული გადაწყვეტილება, საქართველოსთვის კანდიდატის სტატუსის მინიჭება. მოუთმენლად ველოდები მჭიდრო და კონსტრუქციულ თანამშრომლობას მომავალ მთავრობასთან, – ამის შესახებ საქართველოში ევროკავშირის ელჩმა, პაველ ჰერჩინსკიმ განაცხადა.

ელჩის თქმით, მისთვისაც საინტერესოა, როგორი იქნება საქართველოს მთავრობის ახალი შემადგენლობა.

„ვიცი, რომ დღეს იქნება გარკვეული განცხადებები, მიმდინარეობს პროცესი პარლამენტში, უნდა დაველოდოთ და ვნახოთ. მეც ძალიან მაინტერესებს, როგორი იქნება ახალი მთავრობის შემადგენლობა, მაგრამ მინდა დაგარწმუნოთ, რაც არ უნდა გადაწყვიტონ, როგორც ევროკავშირი, მზად ვართ, ვიმუშაოთ ახლად არჩეულ პრემიერ-მინისტრთან, ახლად დანიშნულ მინისტრებთან, რომ საქართველომ წინ წაიწიოს ევროინტეგრაციის გზაზე“, – განაცხადა ელჩმა.