ყოფილი ქმრის მიერ დაჭრილი ქალის მდგომარეობა მძიმეა
ამობეჭდვა · 13 / 01 / 2018 11:25 · 100 ნახვა
ყოფილი ქმრის მიერ დაჭრილი ქალის მდგომარეობა მძიმეა

თბილისში, ყოფილი ქმრის მიერ დაჭრილი ახალგაზრდა ქალის მდგომარეობა მძიმეა და იგი მრავლობითი ჭრილობებით რეანიმაციულ განყოფილებაში რჩება.

დანაშაულში ბრალდებული სამართალდამცველებმა გუშინვე დააკვეს. გამოძიებით დადგინდა, რომ ბრალდებულმა წმინდა ბარბარეს უბანში, ყოფილ მეუღლეს -1986 წელს დაბადებული ფ.ფ.-ს და მის მეგობარს - 1981 წელს დაბადებულ გ.დ.-ს, დროებით საცხოვრებელ სახლში, ურთიერთშელაპარაკების ნიადაგზე, ცივი იარაღით რამდენიმე ჭრილობა მიაყენა და შემთხვევის ადგილიდან მიიმალა. გამოძიება ოჯახის ერთი წევრის მიერ ოჯახის სხვა წევრის ჯანმრთელობის განზრახ მძიმე დაზიანების ფაქტზე მიმდინარეობს, საქართველოს სსკ-ს 11-პრიმა-117-ე მუხლით და 117-ე მუხლის 1-ლი ნაწილით. რაც 3-დან 6 წლამდე ვადით თავისუფლების აღკვეთას ითვალისწინებს.

ტეგები