ეს გადაწყვეტილება, კიდევ უფრო გააღრმავებს მეწარმეების ნდობას სახელმწიფოს მიმართ - გოჩა ენუქიძე
ამობეჭდვა · 22 / 02 / 2018 16:37
ეს გადაწყვეტილება, კიდევ უფრო გააღრმავებს მეწარმეების ნდობას სახელმწიფოს მიმართ - გოჩა ენუქიძე

ფრაქცია "ქართული ოცნება - ძლიერი ეკონომიკის" თავმჯდომარის გოჩა ენუქიძის თქმით, ფინანსთა სამინისტროს ინიციატივით უპრეცედენტო საგადასახადო რეფორმა ხორციელდება.

„ჩვენთვის მნიშვნელოვანია ფინანსთა სამინისტროს ინიციატივები საგადასახადო სფეროში კერძო სექტორისთვის საგრძნობი პრეფერენციების მინიჭების თაობაზე. მნიშვნელოვანია, რომ ეს ცვლილებები შეეხება 120 ათასზე მეტ მეწარმეს, რაც დადებითად აისახება, როგორც ამ სფეროში დასაქმებულ ადამიანებზე, ისე ზოგადად, მცირე და საშუალო ბიზნესის განვითარებაზე. სახელმწიფომ კიდევ ერთი ნაბიჯი გადადგა ბიზნესის ხელშეწყობის მიმართულებით, რაც მხოლოდ პოზიტიურად აისახება ჩვენი ქვეყნის მოქალაქეებზე. ეს გადაწყვეტილება, კიდევ უფრო გააღრმავებს მეწარმეების ნდობას სახელმწიფოს მიმართ. მსგავსი ინიციატივები, აუცილებლად გაზრდის მცირე და საშუალო ბიზნესის წილს ქართულ ეკონომიკაში", - განაცხადა ფრაქცია „ქართული ოცნება - ძლიერი ეკონომიკის" თავმჯდომარემ გოჩა ენუქიძემ.

ტეგები