თბილისის სამ რაიონში მოსახლეობის ნაწილს ელექტრომომარაგება შეეზღუდება
ამობეჭდვა · 09 / 03 / 2018 10:29
თბილისის სამ რაიონში მოსახლეობის ნაწილს ელექტრომომარაგება შეეზღუდება

ქსელზე ახალი აბონენტების მიერთების მიზნით, დედაქალაქის სამ რაიონში მოსახლეობის ნაწილს ელექტრომომარაგება დროებით შეეზღუდება. ინფორმაციას „თელასი“ ავრცელებს.

ნაძალადევის რაიონში ელექტროენერგია 10:00 საათიდან 17:00 საათამდე შეიზღუდება. კერძოდ კახიანის, ინწკირველის, წაღვერის, ქებურიას, ურიდიას, კისისხევის, ძმობის, წრომის, ბიჩინაშვილის, კელაპტრიშვილის, მესხის, ჩხიკვაძის, სტურუას, მიქატაძის, ინანიშვილის, ასათიანისა და მახალდიანის ქუჩებზე.

ასევე, 11:00 საათიდან 17:00 საათამდე შეზღუდვა ნაწილობრივ შეეხება გურამიშვილის გამზირის, ქსნის, არბოს, ქვიშხეთისა და ვარდისუბნის ქუჩებს.

დიდუბის რაიონის აბონენტებს ელექტრომომარაგება 10:00 საათიდან 18:00 საათამდე შეეზღუდებათ. საუბარია ჩაჩავას, ლუბლიანასა და ჭიაურელის ქუჩებზე.

11:00 საათიდან 16:00 საათამდე ელექტროენერგიაზე შეზღუდვა შეეხება გლდანის რაიონს. კერძოდ, გლდანის მასივის I მიკრორაიონის, ნოზაძის, ხიზანიშვილის, გობრონიძის, ბოჭორიშვილისა და მოსულიშვილის ქუჩების აბონენტებს.

„კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგებათ“, – ნათქვამია „თელასის“ განცხადებაში.

ტეგები