ირაკლი კობახიძე სერ გარი ჯონსონს შეხვდა
ამობეჭდვა · 19 / 03 / 2018 15:43
ირაკლი კობახიძე სერ გარი ჯონსონს შეხვდა

საქართველოს პარლამენტის თავმჯდომარემ ირაკლი კობახიძემ და კრიზისებისა და უსაფრთხოების საკითხებში საქართველოს მთავრობის მრჩეველმა, გენერალმა სერ გარი ჯონსონმა დღეს პარლამენტში გამართულ შეხვედრაზე საქართველოს კონსტიტუციის ახალ რედაქციაში თავდაცვისა და უსაფრთხოების მიმართულებით გაკეთებულ ჩანაწერებზე და საქართველოს კანონმდებლობის ახალ კონსტიტუციასთან ჰარმონიზაციის პროცესზე იმსჯელეს.

პარლამენტის თავმჯდომარემ ინგლისელ სტუმარს მადლობა გადაუხადა კონსტიტუციის პროექტზე მუშაობისას გაწეული დახმარებისა და რეკომენდაციებისათვის. აღინიშნა, რომ სერ გარი ჯონსონი ახალი კონსტიტუციით გათვალისწინებული თავდაცვისა და უსაფრთხოების საკითხების საქართველოს კანონმდებლობაში ჰარმონიზაციის პროცესშიც ჩაერთვება და პარლამენტის წევრებს საკუთარ რჩევებს გაუზიარებს.

ტეგები