ავღანეთში, მეჩეთთან თვითმკვლელმა ტერორისტმა თავი აიფეთქა
ამობეჭდვა · 25 / 03 / 2018 15:32
ავღანეთში, მეჩეთთან თვითმკვლელმა ტერორისტმა თავი აიფეთქა

ავღანეთში, ჰერათის პროვინციის ერთ-ერთ ქალაქში შიიტურ მეჩეთთან მომხდარი აფეთქების დროს სულ მცირე ერთი კაცი დაიღუპა და შვიდი დაიჭრა. ინფორმაციას „რადიო თავისუფლება“ ავრცელებს.

ადგილობრივი პოლიციის ცნობით, თავდასხმა ნაბი აკმარის მეჩეთთან შუა ლოცვის დროს მოხდა. სავარაუდოდ თვითმკვლელმა ტერორისტმა აიფეთქა თავი.

დაჭრილები სასწრაფოდ გადაიყვანეს საავადმყოფოში. თავდასხმაზე პასუხისმგებლობა არავის აუღია.

ჰერათში აფეთქების ფონია 21 მარტს ქაბულში ასევ შიიტური მეჩეთის შესასვლელთან მომხდარი ტერაქტი, რომლის დროსაც 33 კაცი დაიღუპა და რამდენიმე ათეული დაიჭრა. ქაბულის თავდასხმაზე პასუხისმგებლობა ექსტრემისტულმა ორგანიზაცია „ისლამურმა სახელმწიფომ“ იკისრა.

ტეგები