სირიის ხელისუფლებამ საბრძოლო ავიაციის ნაწილი ხმეიმიმის რუსულ ბაზაზე გადაისროლა
ამობეჭდვა · 11 / 04 / 2018 17:32 · 532 ნახვა
სირიის ხელისუფლებამ საბრძოლო ავიაციის ნაწილი ხმეიმიმის რუსულ ბაზაზე გადაისროლა

აშშ-ისა და მისი მოკავშირეების მხრიდან სირიაზე შესაძლო სარაკეტო დარტყმის ფონზე, სირიის ხელისუფლებამ საბრძოლო ავიაციის ნაწილი ხმეიმიმის რუსულ ბაზაზე გადაისროლა. ინფორმაციას ამის შესახებ გამოცემა Le Figaro  წერს.

როგორც გაზეთი აღნიშნავს, ხმეიმიმი არ გახდება დასავლეთის დარტყმის სამიზნე, რადგან იქ რუსეთის ძალებია დისლოცირებული.

გავრცელებული ინფორმაციით, სირიელმა სამხედროებმა ავიაბაზების, მათ შორის დუმეირის სამხედრო აეროდრომის დატოვება ჯერ კიდევ 9 აპრილს დაიწყეს.

დასავლელი მოკავშირეები სირიაში ქიმიური იარაღის გამოყენების საპასუხოდ, შესაძლო სამხედრო ზომებს განიხილავენ.

როგორც აშშ-ის პრეზიდენტმა დონალდ ტრამპმა დღეს სოციალურ ქსელ „ტვიტერში“ დაწერა, ვაშინგტონი სარაკეტო დარტყმების განხორციელებას გეგმავს.

 

 

წყარო

ტეგები