არჩილ ტატუნაშვილის მამა პროკურატურაში დაიბარეს
ამობეჭდვა · 14 / 04 / 2018 15:39
არჩილ ტატუნაშვილის მამა პროკურატურაში დაიბარეს

არჩილ ტატუნაშვილის მამა, გივი ტატუნაშვილი 16 აპრილს პროკურატურაში დაიბარეს. ინფორმაციას სააგენტო "ინტერპრესნიუსი" ავრცელებს.

გივი ტატუნაშვილისთვის უცნობია, თუ რასთან დაკავშირებით არის დაბარებული საგამოძიებო უწყებაში.

ამასთან, გივი ტატუნაშვილისთვის ასევე უცნობია, თუ რატომ ვერ მიიღო ოჯახმა ამ დრომდე ექსპერტიზის პასუხები.

შეგახსენებთ, არჩილ ტატუნაშვილი 22 თებერვალს, დილით ახალგორიდან გაიტაცეს, 23 თებერვალს, გამთენიისას კი, ოკუპირებული ცხინვალის ინფორმაციით, ის სუნთქვის უკმარისობით გარდაიცვალა. 

ტატუნაშვილის ცხედარი ქართული მხარის მიერ კონტროლირებად ტერიტორიაზე 20 მარტს გადმოასვენეს.

ტატუნაშვილი შეიარაღებულ ძალებში მსახურობდა და საერთაშორისო მისიებში გლობალურ მშვიდობასა და უსაფრთხოებას ემსახურებოდა.

ტეგები