ფოთში დღეს ქალაქის დღეს აღნიშნავს
ამობეჭდვა · 15 / 04 / 2018 10:23 · 11 ნახვა
ფოთში დღეს ქალაქის დღეს აღნიშნავს

ფოთი წელს პირველად, 15 აპრილს ქალაქის დღეს იზეიმებს. „ფოთის დღეები 2018“ საკათედრო ტაძრის კურთხევის დღეს, კვირაცხოვლობას აღინიშნება.

ღონისძიების ფარგლებში საკათედრო ტაძარში ჩატარდება საზეიმო წირვა, ქალაქის სიმბოლოებისა და ჰერალდიკის გამოფენა, არჩილ ხორავას ხსოვნისადმი მიძღვნილი კონცერტი, ქალაქის ისტორიისადმი მიძღვნილი ლექცია-ექსკურსია კოლხურ მუზეუმში. ნიკო ნიკოლაძის ძეგლს ყვავილებით შეამკობენ. დღესვე გაიმართება ფოთის საპატიო მოქალაქის წოდების მინიჭების ცერემონია და კვინტეტ „ურმულის“ კონცერტი.

„ფოთის დღეები 2018“ ქალაქის ცენტრალურ პარკში გამართული ღონისძიებით დასრულდება. ფოთელების წინაშე „ქუჩის მუსიკოსები“ და ადგილობრივი შემსრულებლები წარდგებიან.

ტეგები