სოფიო ქაცარავა ეუთოს საპარლამენტო ასამბლეის ბიუროს სხდომაზე სიტყვით გამოვიდა
ამობეჭდვა · 16 / 04 / 2018 18:20
სოფიო ქაცარავა ეუთოს საპარლამენტო ასამბლეის ბიუროს სხდომაზე სიტყვით გამოვიდა

საქართველოს საგარეო ურთიერთობათა კომიტეტის თავმჯდომარემ, კოპენჰაგენში გამართულ ეუთოს საპარლამენტო ასამბლეის ბიუროს წევრებს სიტყვით მიმართა.

სოფიო ქაცარავამ ყურადღება გაამახვილა უსაფრთხოებისა და ეუთო-ს სივრცეში კონფლიქტების მშვიდობიანი გზით მოგვარების საკითხებზე. მან იძულებით გადაადგილებულ პირთა უფლებებსა და მათ საცხოვრებელ სახლებში დაბრუნების მნიშვნელობაზე ისაუბრა.

„უსაფრთხოება არის ჩვენი უპირველესი საზრუნავი და ინტერესი. ეუთო-ს წევრი ქვეყნების მთელი ძალისხმევა სწორედ აქეთკენ უნდა მიიმართოს. ასამბლეის სახელით უნდა გადაიდგას საგულისხმო ნაბიჯები, რომ ოკუპაცია, საერთაშორისო სამართლისა და პრინციპების დარღვევა და ადამიანის უფლებების უგულვებელყოფა დაუშვებელი იყოს ეუთო-ს სივრცეში“, - განაცხადა სოფიო ქაცარავამ.

საგარეო ურთიერთობათა კომიტეტის თავმჯდომარემ განსაკუთრებით ხაზი გაუსვა იძულებით გადაადგილებულ პირთა საკითხს, რაც ბოლო 20 წლის მანძილზე, უდიდეს გამოწვევად რჩება საქართველოში. მან ყურადღება გაამახვილა და ეუთო- ს ივრცეში ამ გამოწვევის მნიშვნელობაზე. „წევრი ქვეყნების ყურადღება უნდა მიიმართოს იძულებით გადაადგილებულ პირთა სტატუსის გამომწვევ მიზეზებსა და მათ მოგვარებაზე, რაც აქტიურად უნდა დადგეს ეუთო-ს საპარლამენტო ასამბლეის დღის წესრიგში“, - განაცხადა სოფიო ქაცარავამ.

დელეგაციის ხელმძღვანელმა ბიუროს სხდომაზე ასევე, ისაუბრა ტერორიზმთან ბრძოლის მნიშვნელობაზე, ამ მიმართულებით პარლამენტის როლზე და ეუთო-ს საპარლამენტო ასამბლეის შესაბამისი კომიტეტის საქმიანობაზე.

ტეგები