ბარნოვის ქუჩაზე მკვლელობაში ბრალდებულს პატიმრობა შეეფარდა
ამობეჭდვა · 17 / 04 / 2018 14:25 · 194 ნახვა
ბარნოვის ქუჩაზე მკვლელობაში ბრალდებულს პატიმრობა შეეფარდა

თბილისში, ბარნოვის ქუჩაზე მომხდარ მკვლელობაში ბრალდებულს, ვეფხია ბაქრაძეს პატიმრობა შეეფარდა, - ამის შესახებ გადაწყვეტილება მოსამართლე არსენ კალატოზიშვილმა რამდენიმე წუთის წინ მიიღო.

ამასთან, პატიმრობა შეეფარდა დანაშაულის შეუტყობილებლობისთვის დაკავებულ თეიმურაზ ბაქრაძესაც.

მკვლელობა თბილისში, ბარნოვის ქუჩაზე 13 აპრილს მოხდა. ყოფილმა მამინაცვალმა ახალგაზრდა ქალს მცირეწლოვანი შვილების თანდასწრებით ყელის არეში სასიკვდილო ჭრილობა მიაყენა.

შინაგან საქმეთა სამინისტრომ ახალგაზრდა ქალის მკვლელობაში ბრალდებული ვეფხია ბაქრაძე 14 აპრილს დააკავა. დაკავებულს 15 აპრილს ბრალი დაუმძიმდა.

ტეგები