არჩილ თალაკვაძე: განვიხილეთ ყველაზე მნიშვნელოვანი საკითხები, რომელიც ჩვენი ქვეყნის დემოკრატიულ განვითარებას უკავშირდება
ამობეჭდვა · 21 / 05 / 2018 10:27
არჩილ თალაკვაძე: განვიხილეთ ყველაზე მნიშვნელოვანი საკითხები, რომელიც ჩვენი ქვეყნის დემოკრატიულ განვითარებას უკავშირდება

პროგრესი, რომელიც საქართველოს აქვს დემოკრატიის, ადამიანის უფლებების და კანონის უზენაესობის მიმართულებით, დადებითად ფასდება.

ინტერესი საქართველოს პარლამენტის, საპარლამენტო საქმიანობის და ზედამხედველობის მიმართ მაღალია და ამ მიმართულებით აშშ-ს მხრიდან მხარდაჭერა გაიზრდება.

შინაგან საქმეთა სამინისტროს რეაგირება თბილისში განვითარებულ მოვლენებთან მიმართებაში თანაზომიერად ჩაითვალა და პოზიტიურად იყო შეფასებული.

სახელმწიფო დეპარტამენტმა საქართველო-აშშ-ის სტრატეგიული პარტნიორობის ქარტიის კომისიის დემოკრატიის სამუშაო ჯგუფის შეხვედრას უმასპინძლა.

შეხვედრაში მონაწილეობა მიიღეს საქართველოსა და აშშ-ის სხვადასხვა სახელმწიფო უწყების წარმომადგენლებმა. შეხვედრაზე მხარეებმა პარტნიორობის გაღრმავების მიმართულებით მთავრობების სტრატეგია და გეგმები განიხილეს.

დადებითად შეფასდა საქართველოში დემოკრატიული პროცესების განვითარება.

ტეგები