ლომბარდებს იპოთეკით დატვირთული სესხების გაცემა ეკრძალებათ
ამობეჭდვა · 29 / 05 / 2018 17:52
ლომბარდებს იპოთეკით დატვირთული სესხების გაცემა ეკრძალებათ

ფინანსთა მინისტრის მამუკა ბახტაძის განცხადებით, შემოდის ახალი რეგულაცია, რომელიც ლომბარდებს და გამსესხებლებს ე.წ. კერძო მევახშეებს აუკრძალავს უძრავი ქონების და ავტომობილების იპოთეკით დატვირთული სესხების გაცემას.
 
„ეს იყო არარეგულირებული სფერო, სადაც მნიშვნელოვნად ირღვეოდა მომხმარებლების უფლებები. კიდევ ერთხელ განვმარტავ, რომ ჩვენ არ ვკრძალავთ ასეთი ტიპის ტრანზაქციებს. შემოდის ახალი რეგულაცია, რომელიც აკრძალავს ლომბარდებისთვის, კერძო მევახშეებისთვის, ეროვნული ბანკის რეგულაციის გარეთ მყოფი პირებისათვის, უძრავი ქონების და ავტომობილების იპოთეკით დატვირთული სესხების გაცემას.
 
იმ შემთხვევაში, თუ ის ადამიანები, რომლებიც დაკავებულები არიან ამ საქმიანობით, ნებაყოფლობით მოექცევიან ეროვნული ბანკის რეგულაციის ქვეშ, გაიზიარებენ პასუხისმგებლიანი დაკრედიტების პრინციპებს, რა თქმა უნდა, შეძლებენ საქმიანობის გაგრძელებას,“ - განაცხადა ფინანსთა მინისტრმა, მამუკა ბახტაძემ.

ტეგები