„პოლიციამ ნაგვის ურნიდან დანა და ზეწრები ამოიღო“ - ბათუმში მომხდარი საზარელი მკვლელობის დეტალები
ამობეჭდვა · 14 / 06 / 2018 17:31
„პოლიციამ ნაგვის ურნიდან დანა და ზეწრები ამოიღო“ - ბათუმში მომხდარი საზარელი მკვლელობის დეტალები

ბინის მესაკუთრე, რომელმაც უცხოეთის მოქალაქეებს ბინა მიაქირავა, აცხადებს, რომ 4 წლის ბავშვის მკვლელობის დეტალები არ იცის. ბინის მესაკუთრის თქმით, შემთხვევა ღამის 12 საათზე მის საცხოვრებელ სახლში მოხდა. მისი თქმით, ბინა ორ ქალს 1 თვის წინ მიაქირავა.

“1 თვის წინ ჩემთან მოვიდნენ, სახლის დაქირავება უნდოდათ. ბავშვი საერთოდ არ მინახავს. ერთი თვეა აქ ცხოვრობენ და ბავშვი ხმა არ გამიგია. ჩემთან კონტაქტი არ ჰქონდათ”,– აცხადებს ბინის მესაკუთრე თამარ დიასამიძე.

რაც შეეხება ადგილობრივ მცხოვრებლებს, ისინი აცხადებენ, რომ სამართალდამცავებმა დანა და ზეწრები ნაგვის ურნიდან ამოიღეს.

“ორი ქალი იყო, ალბათ იჩხუბეს. პოლიციამ ნაგვის ურნიდან დანა და ზეწრები ამოიღო”,– განაცხადა ადგილობრივმა მცხოვრებმა “პალიტრავიდეოსთან” საუბარში.

არსებული ინფორმაციით, ქალმა, რომელიც ბათუმში, 4 წლის ბავშვის მკვლელობაშია ეჭვმიტანილი, ცხედარი პოლიციის განყოფილებასთან თავად მიიტანა და სამართალდამცველებს ჩაბარდა.

ტეგები