გლდანის რაიონში თანადაფინანსებული პროექტები მიმდინარეობს
ამობეჭდვა · 16 / 06 / 2018 17:54
გლდანის რაიონში თანადაფინანსებული პროექტები მიმდინარეობს

გლდანის რაიონის გამგეობის მიერ, ბინათმესაკუთრეთა თანადაფინანსების ახალი წესის მიხედვით, პროექტები აქტიურად მიმდინარეობს. 

მუხიანის მე-2 მ/რ-ის N5 კორპუსში წყალარინების ქსელის სარეაბილიტაციო სამუშაოები ხორციელდება, რომლის ფარგლებშიც, 16 საკანალიზაციო ჭა მოეწყობა, 347 გრძივ მეტრზე კი გოფრირებული მილი განთავსდება. 

ამასთან, გლდანის რაიონის გამგეობამ სახურავების შეკეთებაც დაიწყო, ილორის ქ. N11-ში, 1100 კვ.მ-ზე ქანობიანი სახურავის გადახურვა, ა მ/რ-ის N52 კორპუსში კი ლიფტის შეკეთების სამუშაოები ხორციელდება. 

გარდა ამისა, სამუშაოები რამდენიმე მისამართზე დასრულდა, გლდანის მე-3 მ/რ N86 კორპუსში წყალარინების შიდა და გარე ქსელის 116 გრძ.მ-ის შეცვლა განხორციელდა; ა მ/რ-ის N52 კორპუსში 150 გრძ.მ-ზე შიდა წყალგაყვანილობის ქსელი შეიცვალა. გლდანის მე-2 მ/რაიონის N24 „ბ“ კორპუსში 490 კვ.მ-ზე და მუხიანის მე-4 ბ მ/რ-ის N29 კორპუსში ბრტყელი სახურავის სარეაბილიტაციო სამუშაოები დასრულდა.

ბინათმესაკუთრეთა ამხანაგობის თანადაფინანსებული პროექტების მიმდინარე პროცესს გლდანის რაიონის გამგებელი ბექა მიქაუტაძე საკრებულოს მაჟორიტარ დეპუტატ ქეთევან ჯოხაძესთან ერთად გაეცნო.

ბინათმესაკუთრეთა ამხანაგობების დაფინანსების ახალი წესის თანახმად, გამგეობამ სამუშაოები 100%-ით დააფინანსა. პროექტებს ტენდერში გამარჯვებული კომპანიები ახორციელებენ. 

ტეგები