ჭუბერის სოფელ ლეკულმახეს მოსახლეობა დახმარებას ითხოვს
ამობეჭდვა · 06 / 07 / 2018 12:06
ჭუბერის სოფელ ლეკულმახეს მოსახლეობა დახმარებას ითხოვს

ჭუბერის სოფელ ლეკულმახეს მოსახლეობა შველას ითხოვს. ადგილობრივის ქეთო დადეშქელიანის ინფორმაციით, წაღებულია ერთ-ერთი მოსახლის სოსო ჩხეტიანის სახლი. ამის შესახებ "პირველი" წერს.

დადეშქელიანის თქმით, ადიდებულმა მდინარემ საქონელი და სახნავ-სათესი სავარგულები მთლიანად წაიღო. ასევე, განადგურებია საცხოვრებელი სახლები.

"არავინ მოსულა ჩვენთან და ჩაკეტილები ვართ, ვერ გავდივართ აქედან. მდინარე კალაპოტს იცვლის. საფრთხეში ვართ და უმძიმესი მდგომარეობაა“, - აღნიშნა მან.

ამ დროისთვის მათ არ მიეწოდებათ ელექტროენერგიაც.

ტეგები