აფეთქება ოზურგეთში - დაუდგენელმა პირებმა მიკროავტობუსში ხელყუმბარა შეაგდეს
ამობეჭდვა · 11 / 07 / 2018 11:49
აფეთქება ოზურგეთში - დაუდგენელმა პირებმა მიკროავტობუსში ხელყუმბარა შეაგდეს

აფექება მოხდა წუხელ გვიან ღამით, ქალაქ ოზურგეთში, იოანე პეტრიწის ქუჩაზე, 12 სართულიან საცხოვრებელ კორპუსთან, ე.წ "ფანტანის" ბინებთან. ინფორმაციას „გურიის მოამბე“ ავრცელებს.

აფეთქების შედეგად არავინ დაშავებულა.

გამოძიებისათვის დაუდგენელმა პირებმა, აღნიშნულ კორპუსთან მდგომი "დელიკას" მარკის მიკროავტობუსში ხელყუმბარა შეაგდეს.

ადგილზე ამ წუთებში მუშაობს პოლიცია და კრიმინალისტები.

აღნიშნული მიკროავტობუსი ამავე კორპუსში მცხოვრებ კიღურაძეებს ეკუთვნით.

მიკროავტობუსის მფლობელები აფეთქების სავარაუდო მიზეზს ვერ ასახელებენ.

ტეგები