გიორგი მარგველაშვილი დავით უსუფაშვილს შეხვდება
ამობეჭდვა · 17 / 07 / 2018 19:30
გიორგი მარგველაშვილი დავით უსუფაშვილს შეხვდება

საქართველოს პრეზიდენტის ინფორმაციით, მასსა და "შენების მოძრაობის" ლიდერს, დავით უსუფაშვილს შორის შეხვედრა უახლოეს დღეებში შედგება. გიორგი მარგველაშვილის თქმით, შეხვედრა მხოლოდ საპრეზიდენტო კანდიდატის საკითხზე არ გაიმართება.

"მანამდეც დავაფიქსირე ჩემი პოზიცია, რომ ჩემს ყოფილ კოლეგასთან, ბატონ დავით უსუფაშვილთან მექნება შეხვედრა. უბრალოდ, იმ მომენტიდან ძალიან ინტენსიური იყო ჩვენი მუშაობის გრაფიკი. ამ დღეებში შევხვდები და გავისაუბრებ მასთან, არა საპრეზიდენტო კანდიდატის თემაზე, არამედ, მოსაზრებებზე, როგორ ემსახურონ ჩვენს სამშობლოს", - განაცხადა მარგველაშვილმა.

შეგახსენებთ, რომ დავით უსუფაშვილმა რამდენიმე დღის წინ პრეზიდენტს ღია წერილით მიმართა, რომელშიც მასთან თანამშრომლობის სურვილი გამოთქვა.

ტეგები