ნიგერიის ნაკრების ოკუპირებულ აფხაზეთში ვიზიტთან დაკავშირებით ფეხბურთის ფედერაცია განცხადებას ავრცელებს
ამობეჭდვა · 04 / 08 / 2018 18:55
ნიგერიის ნაკრების ოკუპირებულ აფხაზეთში ვიზიტთან დაკავშირებით ფეხბურთის ფედერაცია განცხადებას ავრცელებს

ფეხბურთის ფედერაცია ნიგერიის ნაკრების ოკუპირებულ აფხაზეთში ვიზიტთან დაკავშირებით განცხადებას ავრცელებს, რომელშიც აღნიშნულია, რომ საკითხთან მიმართებით საქართველოს პოზიცია უკვე ეცნობა ფიფას. 

"საკითხის მნიშვნელობიდან გამომდინარე, გვსურს, ვაცნობოთ საზოგადოებას, რომ საქართველოს ფეხბურთის ფედერაციამ, სხვადასხვა მედია საშუალების მიერ დღეს, 4 აგვისტოს გავრცელებული ინფორმაციის შესახებ დაუყონებლივ აცნობა მსოფლიო ფეხბურთის მმართველ ორგანოს და მოითხოვა მისგან შესაბამისი რეაგირება.

კერძოდ, რამდენიმე საინფომაციო სააგენტოს მიერ გავრცელებული ინფორმაციით, უახლოეს დღეებში ოკუპირებულ აფხაზეთში ჩასვლას გეგმავს ნიგერიის ახალგაზრდული საფეხბურთო ნაკრები, ჩვენ ისევე როგორც სხვა მსგავს შემთხვევებში, დროული რეაგირებისთვის აღნიშნული ინფორმაცია და ჩვენი პოზიცია სრულად მივაწოდეთ მსოფლიო ფეხბურთის მმართველ ორგანოს - ფიფას. აგრეთვე შესაბამისი რეაგირებისთვის ინფორმაცია და მოთხოვნა გადაიგზავნა ნიგერიის ფეხბურთის ფედერაციაშიც.

ქართული ფეხბურთის მმართველი ორგანო, ნებისმიერი მსგავსი ტიპის ინფორმაციის არსებობის შემთხვევაში, ყველა საშუალებას გამოიყენებს, რათა არ დაუშვას ქართული სახელმწიფოებრიობის და ტერიტორიული მთლიანობის წინააღმდეგ მიმართული სპორტული ქმედებები", - ნათქვამია განცხადებაში.

ტეგები