დღეიდან გადავდივარ სათადარიგო გეგმის ამუშავებაზე - ზაზა სარალიძე
ამობეჭდვა · 05 / 08 / 2018 19:44
დღეიდან გადავდივარ სათადარიგო გეგმის ამუშავებაზე - ზაზა სარალიძე

თბილისში, ხორავას ქუჩაზე მოკლული დავით სარალიძის მამა ზაზა სარალიძე დღეიდან სათადარიგო გეგმის ამუშავებაზე გადასვლის შესახებ სოციალურ ქსელში წერს.

"დღეს დავრწმუნდი საბოლოოდ რომ ხელისუფლებამ გადაწყვიტა ჩემი მოშორება.
ეხლა ვიქნებოდით გერმანიის მართლმსაჯულების წინაშე წარმდგარი მე,მალხაზ მაჩალიკაშვილი და ელისო კილაძე ტერორიზმის ბრალდებით.

როგორც ირკვევა მალხაზ მაჩალიკაშვილიზე გასცა ინფორმაცია ხელისუფლებამ,რომ ის იყო ტერორისტობაში ეჭვ მიტანილი და გერმანიის ძალოვნებს მიმართა მის დასაკავებლად.

ვინაიდან ჩვენ,მალხაზ მაჩალიკაშვილის თანმხლები პირები ვიყავით,მე და ქალბატონი ელისო,ესე იგი ჩვენ მიგვცემდნენ პასუხისგებაში როგორც ტერორისტის თანამოაზრეები ან კიდევ სხვა რამ.

ანუ მსოფლიოს ჩვენ ვერანაირი გზით ვეღარ დავაჯერებდით ჩვენს სიმართლეს და ამით გამანეიტრალებდნენ მეც.

მალხაზ მაჩალიკაშვილი,ელისო კილაძ და ზაზა სარალიძე ტერორისტები გაგვხადა ხელისუფლებამ.

დღეიდან გადავდივარ მე პირადად სათადარიგო გეგმის ამუშავებაზე.

ზაზა სარალიძე განადგურდა 2017 წლის 1 დეკემბერს. მას მეორედ ვეღარ გაანადგურებთ.სანამ პირში სული მიდგას მანამ ვიბრძოლებ ჩემი შვილის სულის სიწმინდისთვის.

ბატონო გომელაურო ის პიროვნებაც თქვენ გამოგყვებათ უკან ვისაც მიგზავნიდით ხოლმე მოლაპარაკებებზე, მიუხედავად იმისა რომ ოჯახის ახლობლად ვთვლიდი დღემდე", - წერს ფეისბუქ გვერდზე სარალიძე.

ტეგები