თბილისში, დოლიძის ქუჩაზე 9 წლის გოგონა დენის დარტყმის შედეგად გარდაიცვალა.

გოგონა საქართველოს საფეხბურთო ნაკრების ყოფილი მეკარის ნუკრი რევიშვილის შვილია. ნუკრი რევიშვილის მეუღლე ცნობილი მოდელი თიკო ჩხეიძეა. ტატიანა მათი პირველი შვილი იყო.

არსებული ინფორმაციით, გოგონამ საცხოვრებელი სახლის ფანჯრის გისოსებს მოკიდა ხელი, რა დროსაც მასზე დენი გადავიდა და დაიღუპა.

გამოძიება სსკ 124-ე მუხლით მიმდინარეობს, რაც ჯანმრთელობის ნაკლებად მძიმე ან მძიმე დაზიანებას გაუფრთხილებლობით გულისხმობს და ისჯება ჯარიმით ან გამასწორებელი სამუშაოთი ვადით ორ წლამდე.

მომხდარი ტრაგედიის გამო, mediamall-ი ნუკრი რევიშვილსა და მის ოჯახს სამძიმარს უცხადებენ.