მალხაზ მაჩალიკაშვილის გამოკითხვა დასრულდა
ამობეჭდვა · 29 / 08 / 2018 22:49
მალხაზ მაჩალიკაშვილის გამოკითხვა დასრულდა

სახელმწიფო უსაფრთხოების სამსახურში პანკისის სპეცოპერაციის დროს გარდაცვლილი თემირლან მაჩალიკაშვილის მამის, მალხაზ მაჩალიკაშვილის გამოკითხვა დასრულდა.

„ამ ხელისუფლების ხელში ყველაფერია მოსალოდნელი“, – ასე უპასუხა მაჩალიკაშვილმა გამოკითხვიდან გამოსვლის შემდეგ ჟურნალისტების კითხვას, მოსალოდნელია თუ არა მისი დაკავება.

რაც შეეხება გამომძიებლების მიერ დასმული კითხვების შინაარსს, მაჩალიკაშვილმა განაცხადა, რომ დღეს ახალი კითხვები არ დასმულა.

„მიცემული ჩვენებების განმეორება იყო. არანაირი სიახლე არ არის. ისევ რჩება ძალაში ჩემი განცხადება, რომ მე ამ შენობაში აღარ ვაპირებ მოსვლას, რადგან არ მინდა, ამათ ჩემი გამასხარავება ყოველთვის გამოუვიდეთ“, – განაცხადა მაჩალიკაშვილმა.

სუს-ში მალხაზ მაჩალიკაშვილის დაკითხვა დაახლოებით რვა საათის განმავლობაში მიმდინარეობდა.

ტეგები