სოფიო ქაცარავამ ეუთოს საპარლამენტო ასამბლეაში OGP-ის ფარგლებში საქართველოს მიერ განხორციელებულ რეფორმებზე ისაუბრა
ამობეჭდვა · 04 / 10 / 2018 16:30
სოფიო ქაცარავამ ეუთოს საპარლამენტო ასამბლეაში OGP-ის ფარგლებში საქართველოს მიერ განხორციელებულ რეფორმებზე ისაუბრა

სოფიო ქაცარავამ ბიშკეკში, ეუთო-ს საპარლამენტო ასამბლეის ფარგლებში, მონაწილეობა მიიღო ღია მმართველობის პარტნიორობის ღონისძიებაში, რომელიც ეუთო-ს დემოკრატიული ინსტიტუტებისა და ადამიანის უფლებების ოფისის (ODIHR) მიერ იყო ორგანიზებული.
 
საგარეო ურთიერთობა კომიტეტის თავმჯდომარემ ამ კონტექსტში საქართველოს პარლამენტის პროგრესზე, განხორციელებული რეფორმებისა და სამოქმედო გეგმის მთავარი პრიორიტეტების შესახებ ისაუბრა.
 
„ღია მმართველობის პარტნიორობის ფარგლებში საქართველოს მიღწევებს საკანონმდებლო დონეზე, განაპირობებს პოლიტიკური ნება, მჭიდრო და კოორდინირებული თანამშრომლობა საპარლამენტო უმცირესობასთან, ოპოზიციასთან, საერთაშორისო ორგანიზაციებთან და სამოქალაქო საზოგადოებასთან, ასევე თანმიმდევრული მიდგომა პროცესების მიმართ და სტრატეგიული კომუნიკაცია ყველა დაინტერესებულ მხარეს შორის “, - განაცხადა სოფიო ქაცარავამ.

ტეგები