ხუდადოვის ქუჩის მონაკვეთზე ტრანსპორტის მოძრაობა შეიზღუდება
ამობეჭდვა · 05 / 10 / 2018 13:47
ხუდადოვის ქუჩის მონაკვეთზე ტრანსპორტის მოძრაობა შეიზღუდება

BMW Club Georgia-ს მიერ ორგანიზებულ გარბენთან დაკავშირებით, 7 ოქტომბერს, 07:00-დან 19:00 საათამდე ხუდადოვის ქუჩა N68-დან უიარაღოს ქუჩის N24-მდე არსებულ საგზაო მონაკვეთზე ტრანსპორტის მოძრაობა შეიზღუდება. 

ამდენად, ცოტნე დადიანის ქუჩიდან თბილისის ზღვის მიმართულებით ავტოტრანსპორტის გადაადგილება შესაძლებელი იქნება ურიდიას ქუჩის გავლით. 

საზოგადოებრივი ტრანსპორტი ხუდადოვის ქუჩაზე, როგორც უიარაღოს ქუჩა N24-მდე, ასევე, ურიდიას ქუჩის გავლით, ივერთუბნის მიმართულებით იმოძრავებს.  

თბილისის მერია შეფერხებისთვის ბოდიშს გიხდით.