პროკურატურამ პაატა ბურჭულაძის მეუღლის გამოკითხვის შუამდგომლობით სასამართლოს კიდევ ერთხელ მიმართა
ამობეჭდვა · 07 / 10 / 2018 18:08
პროკურატურამ პაატა ბურჭულაძის მეუღლის გამოკითხვის შუამდგომლობით სასამართლოს კიდევ ერთხელ მიმართა

მთავარმა პროკურატურამ ფონდ „იავნანას“ ყოფილი პრეზიდენტის, პაატა ბურჭულაძის მეუღლის გამოკითხვის შუამდგომლობით სასამართლოს დღეს კიდევ ერთხელ მიმართა.

ანგელა ვასილენკოს სასამართლოში, სავარაუდოდ, 8 ოქტომბერს გამოკითხავენ.

ბურჭულაძის მეუღლე სასამართლოში 4 ოქტომბერს უნდა გამოცხადებულიყო, თუმცა ქვეყნიდან მისი გამგზავრების გამო გამოკითხვა არ შედგა. 

პროკურატურას აინტერესებს რატომ დახარჯა ფონდმა ბურჭულაძის ცოლის მგზავრობაზე თანხა. თავად პაატა ბურჭულაძე უარყოფს ინფორმაციას იმის შესახებ, რომ ფონდ "იავნანადან" თანხები არამიზნობრივად იხარჯებოდა.

მთავარმა პროკურატურამ ფონდ „იავნანას“ ხელმძღვანელი პირების მიერ დიდი ოდენობით თანხების შესაძლო მითვისება-გაფლანგვის ფაქტზე გამოძიება გასული წლის 20 სექტემბერს დაიწყო.

ტეგები