ხულოს მუნიციპალიტეტის ღორჯომის თემის სოფელ ჭახაურში ხანძარს 2 ადამიანი ემსხვერპლა. დაიღუპა 76-წლამდე კაცი, რომელიც შშმ პირი იყო და მეორე 20-წლამდე გოგო. ამის შესახებ "იმედინიუსი" წერს.

გავრცელებული ინფორმაციით, ისინი ნათესავები იყვნენ და ერთ სახლში ცხოვრობდნენ.

ხულოს მერიის ინფორმაციით, გოგო სწორედ შშმ პირის გადარჩენას ცდილობდა, მაგრამ თავადაც დაიღუპა.

ხანძარი ორ საცხოვრებელ სახლს გაუჩნდა. ხანძრის გაჩენის მიზეზი უცნობია.

შემთხვევის ადგილზე ხულო-ქედა-შუახევის სახანძრო მანქანები არიან

ტეგები

• ხანძარი
• ხულო
• ტრაგედია