მუდმივად არავინაა მთავრობაში და მოგიწევთ ჩემთან მოსვლა, როდესაც თქვენი უფლებები დაირღვევა - გიგაური წულუკიანს
ამობეჭდვა · 23 / 10 / 2018 10:25
მუდმივად არავინაა მთავრობაში და მოგიწევთ ჩემთან მოსვლა, როდესაც თქვენი უფლებები დაირღვევა - გიგაური წულუკიანს

„საერთაშორისო გამჭვირვალობა – საქართველოს“ აღმასრულებელი დირექტორი ეკა გიგაური იუსტიციის მინისტრის თეა წულუკიანის მიერ დანიაში, ანტიკორუფციულ კონფერენციაზე გაკეთებულ განცხადებას გამოეხმაურა, რომლის თანახმადაც, სამოქალაქო საზოგადოების წარმომადგენლები დოკუმენტებით ხელში აცხადებდნენ, რომ ეკა გიგაური სავარაუდოდ მონაწილეობდა მშვიდობიანი მანიფესტაციის დარბევის ხელშეწყობაში, თუმცა დღემდე სასამართლოში არ გამოცხადებულა.

„არ გცხვენია თეა აქ ამას რომ ლაპარაკობ? ზუსტად იცი, რომ პატივის, ღირსებისა და საქმიანი რეპუტაციის შელახვისთვის მე ვუჩივლე თქვენ სატელიტებს. ვიცოდი, რომ თქვენგან იმართებოდნენ, მაგრამ ახლა ნამდვილად დავრწმუნდი ამაში. მუდმივად არავინაა მთავრობაში და მაინც მოგიწევთ ჩემთან მოსვლა როდესაც თქვენი უფლებები დაირღვევა როგორც ამას 2012 წელს აკეთებდით.

პ.ს. ბოტებს თუ არ მომიგზავნი დიდად დამავალებ“, – წერს ეკა გიგაური „ფეისბუქში“ საკუთარ გვერდზე.