გიორგი ქობულია - ხმა მივეცი კანდიდატს, რომელიც მაქსიმალურად დაგვეხმარება დასახული მიზნების მიღწევაში
ამობეჭდვა · 28 / 10 / 2018 15:48
გიორგი ქობულია - ხმა მივეცი კანდიდატს, რომელიც მაქსიმალურად დაგვეხმარება დასახული მიზნების მიღწევაში

ეკონომიკისა და მდგრადი განვითარების მინისტრმა გიორგი ქობულიამ საპრეზიდენტო არჩევნებში ხმა მისცა თბილისის ჩუღურეთის ოლქის მე-3 საარჩევნო უბანში. ხმის მიცემის პროცედურის შემდეგ, მან ჟურნალისტებთან საუბარში დადებითად შეაფასა არჩევნების პროცესის ორგანიზების ხარისხი.

„არჩევნებზე ხმა მივეცი იდეალურ კანდიდატს, რომელსაც შეუძლია ღირსეულად წარადგინოს ჩვენი ქვეყანა, როგორც მისმა პრეზიდენტმა. მას შეუძლია, მაქსიმალურად დაგვეხმაროს ჩვენი ქვეყნისთვის მნიშვნელოვანი ისეთი მიზნების მიღწევაში, როგორიცაა დემოკრატია; ევროპისა და სხვა განვითარებული სამყაროს ქვეყნებთან ინტეგრაცია, სიღარიბის დაძლევა და ეკონომიკის განვითარება,“ - განაცხადა ეკონომიკისა და მდგრადი განვითარების მინისტრმა გიორგი ქობულიამ.

დღეს, 28 ოქტომბერს, საქართველოს პრეზიდენტის არჩევნები იმართება. საქართველოს მოქალაქეები 6 წლის ვადით, პირდაპირი წესით ბოლოჯერ აირჩევენ პრეზიდენტს.
 

ტეგები