„ქალბატონი სალომე ყოველდღიურ რეჟიმში არის ჩართული „ქართული ოცნების“ ყველა ლიდერთან კონსულტაციებში“ - მარიამ ჯაში
ამობეჭდვა · 08 / 11 / 2018 11:18
„ქალბატონი სალომე ყოველდღიურ რეჟიმში არის ჩართული „ქართული ოცნების“ ყველა ლიდერთან კონსულტაციებში“ - მარიამ ჯაში

საპრეზიდენტო არჩევნების მეორე ტურისთვის მოსამზადებელი სამუშაოები ინტენსიურ რეჟიმში მიმდინარეობს, – ამის შესახებ ჟურნალისტებს „ქართული ოცნების“ ოფისთან უმრავლესობის დეპუტატმა, მარიამ ჯაშმა განუცხადა.

მისი თქმით, მეორე ტურის თარიღის გამოცხადების შემდეგ მმართველის პარტიის მიერ მხარდაჭერილი საპრეზიდენტო კანდიდატი სალომე ზურაბიშვილი აქტიურ კამპანიას დაიწყებს.

„ბუნებრივია, ძალიან ინტენსიურ რეჟიმში მიმდინარეობს მოსამზადებელი სამუშაოები მეორე ტურისთვის. ჩვენ ველოდებით ოფიციალურად მეორე ტურის თარიღის გამოცხადებას, რის შემდეგაც ქალბატონი სალომე ძალიან აქტიურ, ძალიან ეფექტურ კამპანიას დაიწყებს და პარალელურ რეჟიმში უკვე დაწყებულია სამუშაო შეხვედრები რეგიონებში, რომ მაქსიმალურად ჩვენ ყველა რეგიონს ვეწვიოთ და ჩვენი სათქმელი მივიტანოთ ხალხამდე, იმ გზავნილის საპასუხოდ, რომელიც ჩვენ მივიღეთ პირველ ტურში და დარწმუნებულები ვართ, რომ მეორე ტური იქნება დამაჯერებელი გამარჯვება...

ქალბატონი სალომე ყოველდღიურ რეჟიმში არის ჩართული „ქართული ოცნების“ ყველა ლიდერთან კონსულტაციებში და როგორც მოგახსენეთ კამპანიის მეორე ფაზა დაიწყება უახლოეს პერიოდში, როგორც კი გახდება ცნობილი ოფიციალურად თარიღი არჩევნების მეორე ტურის და ეს იქნება ნამდვილად ძალიან ეფექტური, წარმატებული კამპანია და ბუნებრივია ჩემი მთავარი მესიჯი, როგორც ერთი პარლამენტარის, არის მოსახლეობის მიმართ თხოვნა, რომ მაქსიმალური ჩართულობა იყოს მეორე ტურში. ეს არის ჩვენი ღირსების არჩევანი და გთხოვთ, რომ მეორე ტურში მაქსიმალურად ყველა ჩვენთაგანმა მივიღოთ მონაწილეობა“, - განაცხადა მარიამ ჯაშმა.

ტეგები