შსს - მოქალაქე გიორგი ბაბუნაშვილი, რომლიც საპატრულო პოლიციის ოფიცრის სახელით პოსტს ავრცელებს, შსს-ს თანამშრომელი აღარ არის
ამობეჭდვა · 12 / 11 / 2018 17:46
შსს - მოქალაქე გიორგი ბაბუნაშვილი, რომლიც საპატრულო პოლიციის ოფიცრის სახელით პოსტს ავრცელებს, შსს-ს თანამშრომელი აღარ არის

მოქალაქე გიორგი ბაბუნაშვილი, რომლიც საპატრულო პოლიციის ოფიცრის სახელით „ფეისბუქზე“ პოსტს ავრცელებს, შინაგან საქმეთა სამინისტროს თანამშრომელი აღარ არის. ამის შესახებ ინფორმაციას "პირველი არხი" შინაგან საქმეთა სამინისტროზე დაყრდნობით ავრცელებს.

უწყების ინფორმაციით, ბაბუნაშვილი გენერალური ინსპექციის დასკვნის საფუძველზე საპატრულო პოლიციის რიგებიდან 2014 წელს გათავისუფლდა.

„უფრო მეტიც, აღნიშნული პირი, გენერალური ინსპექციის თანამშრომლების მიერ დაკავებული გახლდათ ადმინისტრაციული წესით. აქედან გამომდინარე, იგი ვერანაირად ვერ ისაუბრებს საპატრულო პოლიციის სახელით. ნებისმიერ დროს მზად ვართ თანამშრომლობისთვის და გთხოვთ, ნუ გაავრცელებთ გადაუმოწმებელ ინფორმაციას“,- აცხადებენ შსს-ში.

გიორგი ბაბუნაშვილი საპატრულო პოლიციის ოფიცრის სახელით „ფეისბუქზე“ ავრცელებს პოსტს, სადაც წერს, რომ საპრეზიდენტო არჩევნებზე არ აძლევს ხმას სალომე ზურაბიშვილს.

ტეგები