თბილისში მომხდარი ტრაგედიის გამო ოზურგეთში სალომე ზურაბიშვილის მხარდასაჭერი კონცერტი გადაიდო
ამობეჭდვა · 15 / 11 / 2018 19:20
თბილისში მომხდარი ტრაგედიის გამო ოზურგეთში სალომე ზურაბიშვილის მხარდასაჭერი კონცერტი გადაიდო

თბილისში მომხდარი ტრაგედიის გამო, ოზურგეთში პრეზიდენტობის დამოუკიდებელი კანდიდატის, სალომე ზურაბიშვილის მხარდასაჭერი კონცერტი დღეს აღარ გაიმართება.

"ქართული ოცნების" პრესსამსახურის ინფორმაციით, კონცერტის გადადების გადაწყვეტილება ორგანიზატორებმა და მონაწილეებმა მას შემდეგ მიიღეს, რაც ცნობილი გახდა, რომ ზემო ფონიჭალაში მომხდარ აფეთქებას დედა-შვილის სიცოცხლე ემსხვერპლა.

შეგახსენებთ, რომ სავარაუდოდ, გაზის გაჟონვის შედეგად დღეს დილით ზემო ფონიჭალაში საცხოვრებელ სახლში აფეთქება მოხდა. აფეთქების შედეგად 3 ადამიანი დაშავდა და ორი დაიღუპა.

ტეგები