სტიქია ქუთაისში - ძლიერმა ქარმა კადეტთა ლიცეუმს სახურავი გადახადა
ამობეჭდვა · 30 / 11 / 2018 16:08
სტიქია ქუთაისში -  ძლიერმა ქარმა კადეტთა ლიცეუმს სახურავი გადახადა

ქუთაისში სტიქია მძვინვარებს. ძლიერმა ქარმა კადეტთა ლიცეუმს სახურავი გადახადა. შემთხვევის შედეგად, დაზიანებულია ყაზარმული ნაწილი, სადაც სამხედროების საძინებლებია განთავსებული.

მოგლეჯილმა სახურავმა ეზოში მდგარი ორი ავტომობილი დააზიანა. საგანგებო სიტუაციების მართვის სამსახურის ინფორმაციით, ადგილზე სამაშველო ჯგუფები მუშაობენ და მიმდინარეობს გაწმენდითი სამუშაოები.

მანამდე გავრცელდა ინფორმაცია, რომ ქუთაისში ქარის მიერ მოგლეჯილი ხე ახალგაზრდა მამაკაცს დაეცა.

112-ში ქუთაისიდან ამ დროისთვის 50-მდე შეტყობინებაა შესული. ძლიერმა ქარმა ქუთაისში რამდენიმე შენობა დააზიანა, ჩამოგლიჯა ბანერები და მოთხარა ხეები. დილიდან ქუთაისში ძლიერი ქარია.

ტეგები