ბექა ნაცვლიშვილმა შესაძლოა საპარლამენტო უმრავლესობა დატოვოს - დაპირისპირება მმართველ გუნდში
ამობეჭდვა · 10 / 01 / 2019 11:18
ბექა ნაცვლიშვილმა შესაძლოა საპარლამენტო უმრავლესობა დატოვოს - დაპირისპირება მმართველ გუნდში

ბექა ნაცვლიშვილის განცხადებით, თუ მისი თანაგუნდელები უზენაესი სასამართლოს მოსამართლეობის კანდიდატების წარდგენილ სიას მხარს დაუჭერენ, ის საპარლამენტო უმრავლესობას დატოვებს.

„ქართული ოცნების“ წევრი ღიად აცხადებს, რომ გუნდში ამ საკითხზე დაპირისპირება არსებობს და ის ასევე ყველა დეპუტატს აღნიშნულ საკითხთან დაკავშირებით საკუთარი აზრის დაფიქსირებისკენ მოუწოდებს.

ნაცვლიშვილი აცხადებს, რომ იუსტიციის უმაღლესი საბჭოს მიერ წარდგენილ სიაში არიან წინა ხელისუფლების დროს მოქმედი მოსამართლეები, რომლებიც ამ თანამდებობას არ იმსახურებენ.

„თუ ეს დაპირისპირება ასე გაგრძელდება, იმიტომ, რომ აქ ლაპარაკია, ვიღაცის გარიცხვაზე, მაგალითად, გედი ფოფხაძე იყო ამ შემთხვევაში გამოწვეული იურიდიული კომიტეტიდან. ეს არის ჩვეულებრივი პროცესი. ამ შემთხვევაში რა სიმწვავეც და ხასიათიც ექნება ამ პროცესს, ყველა ინდივიდუალურად მიიღებს გადაწყვეტილებას. თუ მოსამართლეების საკითხი ისევ იდგება დღის წესრიგში და თუ ამ მიმართულებით არაფერი არ შეიცვლება და განსაკუთრებით, ვთქვათ, ისევ თუ ამ ტიპის სია შემოვა, რა ტიპის სიაც იყო შემოსული და უმრავლესობა მხარს დაუჭერს, მე პირდაპირ აქვე ვაცხადებ, რომ მე უმრავლესობას დავტოვებ,“ - განაცხადა ბექა ნაცვლიშვილმა.



 

ტეგები