ჭავჭავაძის გამზირზე ავარიაში მონაწილე სასწრაფოს მძღოლს 5000-ლარიანი გირაო შეეფარდა
ამობეჭდვა · 11 / 01 / 2019 15:47
ჭავჭავაძის გამზირზე ავარიაში მონაწილე სასწრაფოს მძღოლს 5000-ლარიანი გირაო შეეფარდა

თბილისში, ჭავჭავაძის გამზირზე მომხდარი ავტოსაგზაო შემთხვევის საქმეზე ბრალდებულ სასწრაფო დახმარების ავტომანქანის მძღოლს,შარდენ ონიანს აღკვეთის ღონისძიების სახედ 5 ათასი ლარის ოდენობის გირაო შეეფარდა.

გირაოს შუამდგომლობით მოსამართლეს პროკურატურამ მიმართა.

პროკურატურის მტკიცებით, ავტოსაგზაო შემთხვევა გამოიწვია იმან, რომ სასწრაფოს მძღოლს ჩაეძინა. ადვოკატ ვახტანგ თალაკვაძის განცხადებით კი, ვიდრე დაზუსტებით არ იქნება ცნობილი თუ რამ გამოიწვია ავტომობილზე კონტროლის დაკარგვა, არ შეიძლება მტკიცება, რომ მძღოლს ჩაეძინა.

მისი თქმით, გრიპის ვირუსის გამო შექმნილ ვითარებაში გამოძახებები გახშირდა, სასწრაფოს მძღოლების შემოწმება კი არ ხდება, რასაც მსოფლიო სტანდარტი ითვალისწინებს.

წინასასამართლო სხდომა 28 თებერვალს, 15:00 საათზე ჩაინიშნა.
 

ტეგები