„ანაკლიის განვითარების კონსორციუმი“ მაია ცქიტიშვილის განცხადებას ეხმაურება
ამობეჭდვა · 29 / 01 / 2019 20:05
„ანაკლიის განვითარების კონსორციუმი“ მაია ცქიტიშვილის განცხადებას ეხმაურება

„ანაკლიის განვითარების კონსორციუმის“ გენერალური დირექტორი ლევან ახვლედიანი დღეს საერთაშორისო ეკონომიკურ ფორუმზე საქართველოს ვიცე პრემიერის, რეგიონალური განვითარებისა და ინფრასტრუქტურის მინისტრის მაია ცქიტიშვილის განცხადებას ეხმაურება რომლის თანახმად, "ანაკლიის პორტის მშენებელს ფინანსური ხელშეკრულების წარდგენის ვადა გაუხანგრძლივდა".

„საერთაშორისო ფინანსურმა ინსტიტუტებმა დაასრულეს ანაკლიის პორტის პროექტის დეტალური შესწავლის პროცესი. გამოიკვეთა საკითხები, რომელთა საბოლოო შეჯერება დაიწყება 8 თებერვალს „ანაკლიის განვითარების კონსორციუმს“, მთავრობასა და საერთაშორისო საფინანსო ინსტიტუტებს შორის ერთობლივ შეხვედრაზე.

ყველა მნიშვნელოვანი საკითხის შეჯერების შემდეგ საერთაშორისო ფინანსური ინსტიტუტების მიერ პროექტის დაფინანსება მოხდება. დღეისთვის, პროექტში 180 მილიონ ლარზე მეტია ინვესტირებული“, - აცხადებს ახვლედიანი.

მისივე თქმით, გარდა ამისა, წარმატებით სრულდება მოლაპარაკებები ორ უმსხვილეს საერთაშორისო ბანკთან პროექტის კაპიტალში შემოსვლის თაობაზე, რის შემდეგაც პროექტის პირველი ფაზის დაფინანსება სრულად შეიკვრება. 

ტეგები