რომან კაკულია სესხების გაცემაზე მოქმედი რეგულაციების გაუქმებას ვარაუდობს
ამობეჭდვა · 12 / 02 / 2019 22:16
რომან კაკულია სესხების გაცემაზე მოქმედი რეგულაციების გაუქმებას ვარაუდობს

პარლამენტის დარგობრივი ეკონომიკისა და ეკონომიკური პოლიტიკის კომიტეტის თავმჯდომარე რომან კაკულია ვარაუდობს, რომ ფიზიკური პირების დაკრედიტების გამკაცრებული პოლიტიკა გარკვეული პერიოდის შემდეგ, ისევ შერბილდება. 

ასე გამოეხმაურა კაკულია BM.GE-სთან საუბრისას, სამშენებლოს სექტორის იმ წარმომადგენლების განცხადებებს, რომლებიც აღნიშნავენ, რომ 2019 წლის 1 იანვრიდან იპოთეკური სესხების გაცემა და შესაბამისად, ბინების გაყიდვები შემცირდა. 

„როდესაც ინიციატივა შევიდა ძალაში, მაშინვე ვთქვით, რომ დღევანდელ ეკონომიკაში ვერ მოხდება ისეთი ცვლილებების შეტანა, რომ ყველა მხარე თანაბრად დარჩეს კმაყოფილი. ეს შედეგი მოსალოდნელი იყო. ჩვენ გვქონდა მეორე პრობლემა - ახლა იმ პრობლემაზე აღარ ვსაუბრობთ და ვიწყებთ საუბარს გარკვეულ შემცირებებზე გაყიდვებში. ვინც იყენებდა ამ პროდუქტს, ხომ ვთქვით, რომ ის გაუაზრებლად იყენებდა. ვიღაცეები ამბობენ, რომ ცოდნის დონე უნდა გავზარდოთო, მაგრამ ცოდნის დონე და შემეცნება რა დონეზე შეიძლება, გაიზარდოს საქართველოში, ვინც იცის, ხვდება, რომ ეს საკმაოდ გრძელვადიანი თემაა. მე დარწმუნებული ვარ, მოვა დრო და ეს რეგულაცია გაუქმდება და სწორედ დღევანდელი რეგულაცია გაზრდის ცოდნის დონეს და დამოკიდებულებას ამ საკითხის მიმართ. მე არ ვთვლი, რომ ეს მუდმივი რეგულაციაა“, - განაცხადა კაკულიამ. 

 

 

იხილეთ სრულად